فن ومشاهيروميديا

حسام حبيب لـ ع المسرح عمرى ما أخذت مليما من شغل شيرين خلال فترة زواجنا

كتب وجدي نعمان

أكد الفنان حسام حبيب، أنه لم يحصل على أى مقابل مادى من شغل شيرين عبد الوهاب خلال فترة زواجهما، قائلا: “عمري ما أخذت مليم من شغل شيرين وده حصل منها كتير تقولى أنت تعبت وأنا اقولها ده واجبى”.

وأوضح حسام حبيب، خلال حوار ببرنامج “ع المسرح”، مع الإعلامية منى عبد الوهاب، على قناة الحياة، أنه له منطق آخر فى شغل الزوجة أنه يكبر شغلها ويؤمنها، مشيرا إلى أن التصريحات التى كانت تدلى بها شيرين كانت غضب ستات وقت المشاكل، كاشفا: “لما شيرين بتغضب هى شخصيا بينى وبينها بتقولى كنت بقول كده عشان أضايقك والغلطة بتكون فى الكلام ده قدام الناس والناس مش هتنسي”.

وتابع: “طلع شائعات كتير علينا وقت الخلاف والرجوع اللى يقول من الحب ما قتل وهو ساحر لها واتقال أكاذيب وشائعات كثيرة وعلاقتى بهنا بنت شيرين قوية، والغضب بيعمل حاجات كتير وفى حب بيقلب ارتباط مش عادى وأكبر غلط عملته مع شيرين أن عمرى ما كان ليا طلبات ومكنش ليا فيها طلبات ولا هى كان ليا فيا طلبات واحنا لم ننبه بعض”.

وأكد المطرب حسام حبيب، أن شيرين عبد الوهاب لها مكانتها وجمهورها قبل وبعد الزواج وهى إنسانة ناجحة ووصلت لمكانة معينة، قائلا: “ماحصلش أن شيرين نزلت فى المستوى بعد ما اتجوزنا وكل شغل فى الدنيا يقاس نجاحه وفشله عندما يتحول لأرقام، وشيرين أول إنتاج لها من بعد الجواز عملنا ألبوم حقق أكبر نسبة انتشار لها”.

وأوضح حسام حبيب، خلال حواره ببرنامج “ع المسرح”، أن سبب تغير شكلها ووزنها أنهم خلال فترة كورونا مكثوا فى البيت سنتين وكانوا لا يهتمون بشكلهم، مضيفا: “القعدة فى البيت سنتين كنا بناكل ومش مهتمين بنفسنا ووزنا كان زايد وشكلها بسبب ظروف حصلت للناس كلها”.

اعلان

وتابع: “وخلال زواجنا، دى أكثر فترة عملت فيها حفلات وشيرين مش ممثلة ولكن مغنية عملت ألبوم من أنجح الأعمال فى حياتها وأكتر مشاهدات وغنت بلهجة لبنانى لأول مرة وكسرت الدنيا، ولما كانت بتغضب بتطلع تقول تصريحاتها وعمرى فى حياتى فى أى خناقة فى موقف منعتها من للوصول ليا”.

وأكد الفنان حسام حبيب، احترامه لذاته جدا ولا تفرق معه تقييمات الناس لأن الناس لن ترضى على كل شيء، مضيفا: “ماشى بمبدأ قصة جحا والناس متفرقش معايا أبدا وعمر ما حد هيرضى عنك وربنا الناس متفقتش عليه، وكنت بقول لشرين أنا بحبك أكتر من الزعل ولو كرامتى ولا هى يبقى هى وأنا ممشيت عشان ارجع لها”.

وأوضح حسام حبيب، خلال حواره، على قناة الحياة، أنه كان مرتبطا بشيرين ارتباط كبير نفسيا ولا يعتبرها زوجة فقط، قائلا: “كنا صحاب عايشين مع بعض وعمرى ما حسيت أنها مراتى وأنا جوزها وممكن يكون الناس استكتروها وحسابات الناس دنيوية وأنا احترم جدا واحدة فى وضع شيرين”.

اعلان

واستطرد: “احنا تقريبا فى عمر بعض وأنا أكبر منها بسنة بس وهى شخصية مستقلة وعمرها ما مشت كلامها عليا وأن كمان عمرى ما مشيت كلامى وشيرين كانت لا تستمتع أنها تمشى رأيها على حد وهى شخص بسيط وبتأخد سعادتها من حاجات بسيطة جدا”.

وكشف حسام حبيب، عن سر عدم استمرار نجاح علاقتهما الزوجية وارتباطهم قائلا: “غلطتنا فى العلاقة الوحيدة أنها انفتحت على الناس وأنا مش بلومها ولا ألوم نفسى، وكمان الست فى غضبها مينفعش تحاسبها وممكن يكون غضبها اشرس من الراجل على حاجة هى بتحبها”.

قال المطرب حسام حبيب، أنه كإنسان من المؤكد عنده صراعات مع نفسه حينما يولد داخله شعور الخوف من الفقدان، متابعا: “هذه النوعية من الحب ده اعتبره حب مرضى ويمكن من كتر الحب يولد الخوف من الفقد، وربنا قال فى كتابه امساك بمعروف أو تسريح بإحسان وفى امكانية الانفصال والخوف حاجة وحشة”.

وشدد حسام حبيب، خلال حواره ببرنامج “ع المسرح”، مع الاعلامية منى عبد الوهاب، على قناة الحياة، على أنه لم يخبى شيء ولم يقصد اخفاء شيء عن علاقته بشيرين، مضيفا: “عمرى ما قصدت أخبى أى حاجة فى حياتى وارتباطى بشرين حتى الآن هو ارتباط أساسه صداقة قوية واحنا اصحاب لحد دلوقتى وشيرين عندها ميزة وهى مش بتتكلم ولا تنم على حد”.

وتابع: “شيرين جدعة جدا ودمها خفيفة وقعدتها متزهقش وهى بيبى وطفلة فى غضبها وحبها ومش بتحسب كل حاجة ولما قلنا مفيش ارتباط بينا ده كان حقيقى، وهى كانت بتمر بمشاكل فظيعة وقتها وأنا كمان وبدأنا نقرب واحس أن فى حاجة بدأت تتغير داخلنا”

زر الذهاب إلى الأعلى