حقي أميزك

34

بقلمي الشاعر/ محمد غبن

شاعر آل غبن وسفيرا للسلام الدولي

من حقي اميزك
واقول عليك كلام كتير
دوست ع الوجع صنعت وجودك
يبقي على طول محتاج لتقرير
و دي مش مجامله لما
احكي واقول واعيد
معرفتش يوم يأس يبقي في
حد ذاته صناعة إنسان من جديد
قدر ع التحدي واثق في ربه
إشتد عزمه وبقي من حديد
واخد ع الوجع من
ساعة ماكنت طفل وليد
متستغربوش دا اللي حصل
ومعروف للجميع وبالتحديد
مش بألف من دماغي
أو بستعطف الناس والقلوب
بس تعرفوا وقتها
عاش وصبر ولا صبر أيوب
أتحديت جدار الزمن قبل
مايقع عليك وانت طفل وممكن تموت
هوا دا في حد ذاته التحدي بعينه
مخفتش وقتها والتزمت السكوت
عناية ربنا معاك في كل لحظه
مهدت ليك السبل والطريق
برغم انك وحداني
عايش من غير سند أو اي صديق
لكن ربنا في علاه كان مسهل ليك
كل شيء طيب ومناسب
وأنت مزعلتش
ولا حاولت تشتكي أو تعاتب
مضعفتش لحظه ولا كنت
في عينين الناس غايب
اتحملت ياما ربنا برضاه عليك
خلاك إنسان سوي مش مشاغب
مبروك يا سيدي كل الخلايق حباك
وشيلاك ف العين و ع الحاحب