حكاوي جدتي تصوير محمد سليمان

26

فى ليله من الليالى محتار ومشغول بالى ومش عارف انام..ارق وتعب وليل طويل وعقلى عمال يقولى فى كلام..الجده شافتنى بصتلى.. لمستنى..وقالتلى انت كده مش تمام..فيك ايه وايه شاغل بالك..وانت فى زمن متفصل على مقاسك..تكنولجياواختراعات وطيارات والعلم بفى فيه مش فى كراسك..ماشوفتش ياابنى زمن سفينه الصحراء ولاالقانون ولاالفرن البلدى ولاشويه الذره جمب كبايه الشاى على النار فى الغيط والساقيه عماله تدور وطرومبته الميه والنورج ابوتروس بتفرم فرم..ماشوفتش محيرات الارض وماتوره بقره وجاموسه ماشوفتش اللمبه ام عشره والشمعه المبروكه ماشوفتش الطبليه واللمه على المسطبه فى شوارع المحروسه.. ماشوفتش النيل وهو فرحان بيغنى وسمكه على الطرق مرصوصه..احنا فى نعمه ولافى نقمه يعلم ربنا..بس عايزه اقولك حاجه ايام زمان البركه كانت فيها البركه واللقمه تكفى ميه والجاريسال على جاره والكل واحدايد واحده والمليان يعبى على الفاضى انت مش فاضى ولافاضى الله يسامح اللى كان منه السبب