حياتك ملكك بقلم دكتورة فاطمة محمود 

 

 

كل انسان له حياته ودنيته الخاصه بيه فحياتك ملكك.. مش من حق أى واحد يعيشها مكانك..

 ومش من حق حد يقرر عشانك.. ومش من حق أى انسان يحكم عليك.. ومش من حق أى انسان يحاسبك على اختياراتك.. 

ومش من حق حد يعاقبك على خطاياك او اخطاءك .. 

 

حياتك ملكك يعنى بتاعتك انت ولمّا تغلط انت اللى هتدفع تمن اخطاءك.. 

ولمّا تنجح الفرحة ليك وعشانك ..

  ولمّا تعمل بريء مش من حق أى بنى ادم يحاول يجرّمك ..

 ولمّا تحاول تستر نفسك وتخبّي مش من حق أى انسان يكشف عوراتك .. 

لانك انسان ، فيك كل حاجة ، وانت مش ناوي تمثل او تخدع .. 

وانت مش مسئوول عن اللى شايفك ملاك ولا اللى بيبنى لك صنم .. انت بس عايش .. الحلو والوحش .. الصح والغلط .. 

 

رحلتك اللي هي الدنيا فهى اقصر من انك تشيل همّ الناس .. 

الدنيا ابسط من انك تبرّر او توضّح .. 

الدنيا مش مستاهلة تجري وراء أى حد او تجري من حد كل الناس بيغلطوا .. 

واللى بيحاسب ربّ الكون ،واللى بيغفر ربّ الكون .. انت جميل كما خلقك الله .. باخطائك وعيوبك وسعيك ومحاولاتك .. وملائكتك وشياطينك .. 

 

تذكر دائما ان حياتك ملكك انت مش أى إنسان أخر 

 

دكتورة فاطمة محمود