خالص العزاء  بقلمي الشاعر/محمد غبن

شاعر آل غبن وسفيرا للسلام الدولي

31/7/3031

ليه ياحزن بتتمخطر وتتغندر

وكأنك فرحه جايه تبشرني

مكفكش يتمي وأنا صغير

وحدي ايه حالف تدمرني

مصمم ليه علي عنادك وقسوتك

بأفعالك ماتبعد شويه وترحمني

وكإنك مع الدنيا متحالف ومتآلف

هوا ورث ومطلوب منك تسلمني

حتي اللي كنا فاكرينهم مننا

وشراينهم نفس كرات دمنا

صبحوا تايهين بعاد عننا

صدقني من قلبي وبكل أمانه

من غير زعل ولا أي ملامه

الغريب اجدع مننا وأوفي

والأخلاص موجود في قلبه

وعنده بينا رحمه وتقوي

فاكر لما قولنا نحاول نزرع الحب

بينا ونبادر ونكون إحنا الأولي

صمموا علي الهجر والبعاد وكإننا

بالنسبه ليهم مصيبه أو بلوي

وعشان كدا بقي رأيي

صحيح واضح وصارم

الجزاء من نفس العمل وعلي

كدا بإذن الله صبحت عازم

بلاش خنقه وضغط أعصاب

واللي صمم علي البعاد

معدلوش عندي اي عتاب

وقبل مايختلق أي أسباب

كل واحد مننا يشوف أحواله

وحسابنا سوا عنده يوم الحساب

وأحاول ارجع نفسي واعتذر ليها

واعيش بقي وللي معايا فيها

ويعوض علينا ربنا ويرحم كبارنا

اللي عاشوا لينا بس إحنا اللي

بعقولنا مع بعض نسينا وبعدنا

فبلاش ياحزن ربنا يهديك

متبقاش أنت والأخوه

اللي بنقول عليهم قرايب

وخالص العزاء وكفايه بقي

قسوه وكفايه منك مصايب