“خــلاص ها فــــطر”

وبلجأ لك
ف حضن الليل 
تغطينى 
تخبينى 
أنام بيكى
أشوف
ف إيديكى
يوميا
صلاة 
العذرا
مع عيسى
بتشفينى
وترمينى
وانا موسى
ودمعتك
نيلى
ترضعنى
ترجعنى
وشالك
حضن 
بيطمن
وبيهدهد
وبيدفى
وبيخوف 
كمان 
جنود فرعون 
ومش خايف ومن تانى 
تروحى البحر ترمينى
ماانا طه
وجيتلك 
بترعش
م الوحى
ضمينى
يانن عينيكى
قمر
فيكى قمر
وخلال 
لفتك
تعكسى
ضحكتك 
ف هلال
وصوتك 
نبرتك 
شلال
بيعزف
وتجرى ندهتك 
مليون أدان لبلال
وطول عمرى
أنا الصايم
بشوف رسمك
وبحلم اكون لامسك 
خلاص
بلال
اددن
ودى الوقتى 
هكون ماسكك
ومن بلسمك
هفطر
واه
أمى
وياكى
ذهب الظمأ
فى 
واتبلت الشرايين 
ياريحة جاية 
م الجنة
دموع العين بتتمنى
تكون
نهرين 
بحبك ومش قادر أوضح