خلاص ماشي) بقلمى الشاعر / محمد غبن شاعر آل غبن

29

خلاص ماشى وهودع كل
شيء وكل اللي كانوا حواليه
مش هلتفت ورايا ولا هسلم
على حد شوفت منه آسيه
كفايه كدا عليا معدش تحمل
هعتبركم اوراق دبلانه لقضيه
ضاعت وسط قاعات محاكم
والحكم بات مفيش نقض أو توصيه
واهوا منها يرتاح القلب
كمان والعينين من الوشوش
أصل البشر أجمل خلق الله بس
للأسف فيه معادن لسه فشوش
ويعوض ربنا في سنين العمر
ويهدي نفسنا ونعيش ونتحمل
برغم المحصله صفر هنقول أيه
أدينا كلنا في خلقه بنتعلم ونتأمل
ويا وجع سنين العمر اللى دبلت
أوراق عمرنا هنعمل أيه وأيه العمل
مفيش غير إننا نبعد شويه
عن بعضنا لغايه أما نوصل لقرار
أحسن ما نقتل اللي باقى
مننا ومايبان قدامنا ليل من نهار
يلا زي ماقولت هوا دا الحل
الأنسب مفيش قدامي إختيار