(خلاص همشي)

45

بقلمى الشاعر/ محمد غبن
شاعر آل غبن

(خلاص همشي)

خلاص همشي من مكاني
ومش هزعل أبدا شبابى
أو أفكر للحظه اقفل فيها بابي
ولا إنى اعيش وكإني
مش موجود اوساكن فى بالك
اعملك إيه تانى شيفاه
أروح اطلب بتوسل حنانك
ردي عليا إتكلمى عايزاني اطلب
ودادك ولا أجى أبكي قدامك
ياخساره علي قلبك القاسي
اللي قتلني وقتل كيانك
دا إحنا اللي كنا عايشين
وسط الخلق بيتحاكوا بينا
للدرجه دي وبسرعه
قتلت حبنا وأحلام ليالينا
وكإني بالنسبه ليك موديل
لإنسان صبح قديم وغريب
موتى قلبك وفرحتك
بيه وهوا كان أغلي حبيب
دايما كنت اقول لنفسي هي
بالنسبالي اقرب من القريب
مش هدعى أبدا ولا هتوسل
لإن قلبك عمره ماهيستجيب
إن كان ظهر في حياتك
حب تاني وغير معلوم الهويه
إتفضلي روحي مش بستسلم
لكنك صبحت منتهيه الصلاحيه
وهتيجي يوم تبكي بس ساعتها
هتكون اتقفلت اوراق القضيه
الحب عمره ماكان ظالم
إحنا اللي نفوسنا مليانه أنانيه
العبره في النهايه يلي متغندره
وعامله برنسيس واجمل صبيه