خلق يا الي الغيرة في دمكم انتم صفر علي شمالي وانا عارف نجاحي كل همكم 

كلمات / ام هاشم العيسوي 

متابعة / ممدوح السنبسى 

خلق يا اللي الغيره في دمكم

انتم صفر علي شمالي

وانا عارف ان نجاحي كل همكم

بابا من يومي في مجالي 

وانتو كدا بيحرقكم ظهوري

وفي الساحه وجودي ضروري

وانتو اخركم حبة هلوسه 

وكلام فاضي مع كام استوري

ومش تكبر مني ولا تعالي

معلم انا عليكم عشاني بسيط

واللي مش علي كيفه يخبط رأسه في الحيط

جد ونيتي لوجه الله خالصه

وانتو كبيركم الهيصه علي حبة زيط

واللي فيكم فاكر انه هيشوه صورتي

خد مني وسام وعلقه انك افضل عبيط

اتحديتني وانا فوزت بالجهد والتعب 

وانتا كدا عايش تراقبني ..عايش لقيط 

انتا اللي زيك بيني وبينه الف حاجز

ولا تقدر تهز مني شعره 

مهما تحاول في نظري كائن عاجز

وكلامك نقطه في مية محيط

عمرك شوفت جبل من حبة ريح يتهز

لو شوفت كان كلامك ع عيني يتعز

تصرفاتك رخيصه ولا ليها لازمه

ومعذور بحقدك مهما تحاول فيا تبتز

اصل ابدا ما تسببلي أزمه

مهما كان لسانك قاسي وسليط

قولت فيا وفيا وياما اتكلمت

بس انا اتعودت علي كلامك 

ولا حاجه هتحرك ثقتي بحالي

وعلي الخيانه من امثالك اتأقلمت

عرفاها صعبه نار الغيره 

بكره تتوه في حالك 

وتقتلك مشاعر الحقد والحيره 

لو جربت تكون في مره سالك

صدقني هتشوف الدنيا عليك مش كبيره

كلماتي/أم هاشم العيسوي