المحكي اللبناني بتعرفوا شو ،،،، ولو كانت الحقيقه أحيان بتجرح ،،،، والسكوت عنها بيأذي وبيدبح،،،، بس خليتوني أندم ،،،،أي أندم ،،،، وأنا يلي ماعرفت بحياتها معنى الندم ،،،، خليتوني أندم على كل لحظه كنت فيها حنونه ،،، على كل وقت عطيتكم من طيبتي ،،،،وخبيتكم بعيوني،،، ع سنين مرقت ضيعتها معكم ،،،،وأنا الصديقه الوفيه ،،،،يلي بترسم الضحكه والفرحه على وجوهكم،،،، يلي بتفكر براحتكن قبل راحتها ،،،، ولالحظه كنت فيها أنانيه ،،،،ولاتعاملت مع أي شخص بنفسيه،،،،، خليتوني أندم إني عشت بزمن الخبث والتنكر ،،،،بزمن الفلاتر والتلون ،،،،،على طبيعتي وماكنت اصطناعيه،،،، عم أكل أصابعي العشرة ،،،،إني صنت العِشرة ،،،، وأن كنت معكم إنسانه مثاليه ،،،،بعيد عن أي مشاهد تمثيلية،،،،،كنت صافيه وشفافه بدون ألوان رماديه،،،، خليتوني إندم لأن ماكنت بزمن المصلحه مصلحجيه،،،، بس لهون وقفوا ،،،،،خلونا نقلب الأدوار ،،،،اسمحوا لي رجعكم بعيوني صغار،،،،، كل واحد ياخد حجمه الأساسي ،،،،ويعرف أصله وحدوده وين إذا كان ناسي،،،، تعبت وأنا أسمع مشاكلكم وشاركم الوجع والأسى ،،،،وجع راسي بسببكم ،،،وماأخد كلمه شكر بس تعطوني الأذى ،،،،،هلاء كل شي انتهى،،،،،وبعتقد صار واجب عليا حُب الأنا،،،،،صار وقت حط النقط على الحروف ،،،،وشيل من قلبي فكرة الخوف ،،،،،أن مابدي أخسر حدا،،،،، لأن الحقيقه يلي ماحدا فيكم رح يتقبلها ،،،،، أنا مابخسر أنا شخص بينخسر ،،،،،أي بينخسر
