فن ومشاهيروميديا

رامي جمال أحمد سعد واحد من أنجح المطربين وأغانيه الأخيرة ليست الأقوى ومنتقدًا عمرو مصطفى ومنع زوجته من دخول عالم الغناء

كتب وجدي نعمان

أكد المطرب والملحن رامي جمال، أن لفظ مطرب يعني الطرب بإمكانيات كبيرة، وأحمد سعد واحد من أنجح المطربين وهو صف أول الآن ومطرب قوي جدًا، مشددًا على أنه لم يكن مطرب صف أول منذ سنتين ولكن حقق نجاحات كبيرة جدًا.

وأضاف خلال لقائه ببرنامج «حبر سري»، تقديم الإعلامية أسما إبراهيم، المذاع على قناة «القاهرة والناس»، أن الأغاني التي يطرحها الفنان أحمد سعد التي تنزل الأسواق الآن ليست هي من أقوى التي تظهر صوته ولكنها تحقق نجاحات كبيرة جدًا.

وتابع رامي جمال أن أكثر فرق غنائية في مصر من بين الفرق هي فرق كايروكي ومسار إجباري وشارموفرز، موضحًا أن من يحدد الناجح هو الجمهور، وأكثر فرقة غنائية يفكر العمل معهم هو كايروكي.

و علق الفنان رامي جمال على تصريحات الفنان والملحن عمرو مصطفى مؤخرا، بخصوص الاتهامات التي وجهها إلى زملائه وأنهم يسرقون ألحانه.
وقال رامي جمال، خلال لقائه ببرنامج «حبر سري»، مع الإعلامية أسما إبراهيم، للتعليق على تصريح سابق لعمرو مصطفى قال فيه «أنا المبدع»: «مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة.. غير كده مكانش هيبقى قاعد يتكلم إنه ملحن شاطر».

تابع: «في الحقيقة في نوع من النرجسية، أنا مش بحبه.. وفي فرق بين إنك واحد من الملحنين العباقرة اللي التاريخ مش هينكرهم، لكن لسه مين كده مازعلتوش منك، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبّر بعض أحسن».

واختتم حديثة قائلا: «أنا عارف إن عمرو أطيب من الطيابة، لكن الناس العادية بتشوف مشاكلنا.. ليه نصدّر لهم إننا مش بنحب بعض بالشكل ده؟!».

و كشف الفنان رامي جمال سبب اعتزال زوجته عالم الغناء، كما تحدث عن النصيحة الذي أعطاها لها بعد الزواج.

وقال الفنان رامي جمال، خلال تصريحات تليفزيونية: أنا مقولتهاش لأ على دخولها لعالم الفن، إحنا عملنا اتفاق بيننا علشان مبقاش قدام الستات اللي بتكره الرجالة اللي من نوع إن هي تقيد شريك حياتها، قولتلها نجرب تعمل أغنية أو اتنين لو نجحت وفي قبول، والله كملي بس مش هنتجوز.

وأردف الفنان رامي جمال: أنا عندي مشلكة إن الست بتاعتي لازم أبقى الاهتمام الأكبر في حياتها، والفن بيسرق العمر، وأنا عايز وأنا وعمري بيتسرق اللي بحبها تبقى معايا في حياتي، وهي عملت معايا ديو، بتغني معايا لإرضاء الهواية فقط.

واختتم الفنان رامي جمال: زوجتي تتساب في وسط النار متربية وبنت أصول، أنا شايف إن الوسط مش سهل للرجالة مش للسيدات فقط، القلق من بكره حاجة مش لطيفة، ومتمنلهاش تعيش حياة مفهاش استقرار، تخيلي مين في البيت ينزل أغنية قبل مين، وقولتها اختاري حاجه عايزه تعمليها وأساعدك بيها، وعندها حاجه ناجحة، بس أرفض الحديث عنها، وأنا في ضهرها بأي حاجه تختارها إلا تكون محترفة غناء.

رامي جمال: عمرو دياب نمبر وان
وكان الفنان رامي جمال كشف عن رأيه في الهضبة عمرو دياب، والفنان تامر حسني، إذ قال: عمرو دياب نمبر وان بمقاييس السوق، وتامر حسني فنان شاطر بس مش رقم واحد، ولسه بدري على هذا اللقب، وممكن نقول عليه نمبر وان بعد 40 سنة مع استمرار النجاح.

اترك تعليقاً

زر الذهاب إلى الأعلى