ربك رحيم.. 

44

ربك رحيم.. 

بقلم /هند البليدي.. 

 

بيقولولي اكتبي ليوم اليتيم..

 

فكرت وقولت حاضر هكتب بس لمين ولا مين..

الإسم ده بقي قديم..

 

اليتيم يعني محروم من الأم والأب طول السنين..

 

ده كان زمان محروم الأم حالته تغم.. 

دلوقتي اليتيم عايش في وسطهم لا حاسس بحبهم ولا بقربهم..

 

عايش في وحده من كتر ماداق ظلمهم..

 

اليتيم الي انخدع في حبه.. 

الي ماتت دقات قلبه..

 

الي انصدم في ناسه وحبايبه..

 

اليتيم الي فارق وسافر بعيد الي قال هبدأ من جديد..

 

ماتت فرحته يوم مقال أعيش في بلد غريب..

 

اليتيم الي دموعه ملازمه فرحته مش معاه والناس بس حباه عشان مصالحه وياه..

 

اليتيم الي عايش في ضله ومحدش فضلوه ولو قال ساعدوني ينسوا حبه الي كان..

 

اليتيم الي سارح في الكون لوحده..

 

 الي شاف الشر في عيون الناس..

 

الي حب وانداس الي عاش في وهم الإخلاص..

 

اليتيم الي مات جوه نفسه الي ماعمر حد حسه..

 

الي ظلمه صور يأسه..

 

عشان دافع عن ناس متستحقش تعيش وياه..

 

اليتيم الي نام والي نسي الأحلام،،

والي باع والخان..

 

والي قال وحيد يازمان..

 

اليتيم الي عاش في جروح ودايما مجروح وصوته منبوح بال اه والحرمان..

 

خدها نصيحه يا جميل افرح وعيش اللحظه لا تشكي ولا تبكي وتحزن سنين..

 

اخرج واتفسح وانفخ البلالين.

 

الفرحه خليها جواك وانسي الوحده والتنهيد..

 

عيش اللحظه وأعرف ان ربك رحيم..