رساله شكر..

رساله شكر..
بقلم /هند البليدي

بعتله رساله شكر ولا عبرني..

اختار طريق تاني بعيد فضل أنه يخسرني..

كتبت له شكرا انك بجد في حياتي..
قراه الرساله ولا عليه حتي رد..
تعرفوا اني استغربت..

انه مكتبش كلمه حتي فيها انتي ذوق..

كان عيد ميلاده من يومين جبتله هديه علي ادي وقولت يمكن يعرف انا بالنسباله مين..

عيشت معاه يومين فيهم بجد حلم وردي قمر سهران في ليل طويل..

قالي هبنيلك قصر حقك تعيشي تعالي الفرح عندي مفيش حزن تاني ياجميل..

تعرفوا انه قالي غمضي عيونك متخفيش..

انا عمري ماهئذيكي انتي متستهليش..

انتي عصفوره جميله بريش..

انتي بجد انسانه غاليه اوي عليا بعدك عني ده متفكريش..

بصيت بعيوني وبضحكه متبسمه فيها اكيد ده حلم مش من حقي اكون في انا..

قالي انتي تستهلي اكتر يابنتي انتي جميله طيبه وحنينه..

فجأه بعد من غير سبب ومعرفش ليه..

يمكن لاقي واحده غيري ترضيه..

ساعات بنجري ورا احلام ثراب وبيكون فيها عذاب واضطراب..

قلت نوم وتعب اعصاب..والسبب متعرفش ليه

في لحظه الورد اتبدل شوك وكلمة حب كلها شكوك..

وحروفها تتمحي من جرحك والقلب يعيش في خوف..