( رساله للشعوب ) بقلمي الشاعر/ محمد غبن

20

بقلمي الشاعر/ محمد غبن

شاعر آل غبن وسفيرا للسلام الدولي

18/2/2021

الحب عايش بينا كإنه جريمه

أو خطيئه مجرمه في الأديان

أو زي طفل يتيم نزل الدنيا

محروم الأهليه………… والحنان

لا أم ولا أب يراعوه

ويحسسوه إنه آدمي.. وإنسان

الحب المفروض يدرسوه في

المناهج يتعمله لجان….إمتحان

الحب في كل شئ اقصد مش

شرط يكون منصوص ع الغرام

خلوه يسكن جوانا كأجيال

م الصغر لجل يعم…….. السلام

وقتها وبالتدريجي هنحن علي

بعض ونصنع بينا ألفه… ووئام

مش شرط تكون الديانه هيا

المقصوده في كلامي او الأساس 

صدقوني هيتخلق بينا 

روح الترابط والحنين….بإحساس

ليه نكايد لبعض ونمحي جوانا

روح التآخي ونبدلها ….بخصام

ليه الكل يطمع في بعض

والنفس يكون فيها حقد وإنتقام

ليه مانخلقش ترابط وتتولد

أجيال تكمل بعضها بحب وحنان

ليه نهجر طيور السما ونخليها

تبعد ويعم علي الدنيا …..غيام

ليه نور الشمس يلاقي ضيه

وسط قلوب مليانه عتمه وضلام

اصنعوا الحب يابشر خلونا

نحب بعض زي ماقالت.. الأديان

لا إحنا بنحرض علي معصيه أو

نزرع في قلوبنا فجور أو عصيان

خلونا ساعة الحساب نلاقي

الشفاعه وننعم برضي رب العنان