روحتي فين بقلم محمد غبن

 

بقلمي الشاعر/ محمد غبن

شاعر عاميه بلغة محكيه

وسفير سلام دولي

25/11/2021

 روحتي فين يامه 

بقالك زمن وسبتيني

دموعي متحجره في

    جفوني ساكنه جوا عيني

وكل مااقول انسي مش 

قادر ألاقي صورتك تجيني

مهو برضوا متأخذنيش

    يامه مين بعدك كان مراعيني

لو قولنا كان فيه بس

    حنانك طعمه حاجه تانيه

روح مخلوقه من روح

بأمر من رب العليه

يامه حنانك كان هيخليني

    اتعامل واحاسب الدنيا

في زمن ماتت فيه الضماير 

  والحقد ملامحه

    موجوده وباينه

هيكون ليك دور في تربيتي وكياني

سمعت م اللي حواليا امك 

    كان عقلها شئ تاني

دا كفايه بس عليها

    اتحملت شخصيتك ابوك

كان شديد تحس 

    اللي جنبه كأنه عبده المملوك

برغم إنه ماأذي 

   حد لكن كان ليه هيبه وعلامه

راجل بجد وكمان 

أجدع من ميت نشامه

راحت نبع الحنان اخدت من بعدها لقب يتيم اليتامه

كل يوم ادعي نفسي اشوفك مره بحلمي مش هأخرك وبعدها مع السلامه

اصل الغيبه طولت اوي

والعين بتبكي والقلب

    جرحه بقي الف علامه