سد النهضة ولد ميتاً  بقلم الإعلامي/ يوحنا عزمي

73

– فكرة السد من 50 سنه وأكتر ، مش أثيوبية خالص ، اللي بيفكر ويخطط حد تاني ، أثيوبيا مجرد أرض للمعركة .

– أبي أحمد خد جايزة نوبل للسلام ، دي المكافأة بتاعتة من نفس الجهة اللي خططت لفكرة السد واللي بتشرف عليه “بالمناسبة اللي واخد جايزة نوبل للسلام ده قتل واغتصب الألاف من الأبرياء في إقليم تيجراي ، مش بس كده ، ده استعان بقوات إريترية عشان تساعده في قتل واغتصاب شعبه ، وأمريكا بتقولك هندرس الموضوع وهنبقى نشوف” 

مفاوضاتنا إحنا في سد النهضة كانت عشان نقف على رجلينا بعد خراب 2011 “الوقت اللي بدأو فيه بناء السد” نقف على رجلينا بمعنى اقتصاديا وسياسيا وأمنيا وعسكريا ، وإحنا حاليا في 2021 جاهزين يافندم، إحنا اللي بنختار التوقيت .

معركتنا الحتمية “معركة المياة” مش مع أثيوبيا ، إنما مع اللي مشغلها ومدورها، اللي هو بالتأكيد مش أبي احمد ده مجرد صبي لتنفيذ التعليمات. 

إختيار أثيوبيا كأرض للمعركة إختيار عبقري لأنه بإختصار الشعب الأثيوبي تحت خط الفقر بسبعتاشر خط، ماعندهمش حاجه يبكوا عليها ، لا تنميه ولا مشاريع ولا بنية تحتية، إحنا بنتكلم على مجتمعات بدائية جدا ودي نقطة قوة أثيوبيا الوحيدة والحصرية ، إنها صفر وبالتالي مفيش حاجه تخسرها .

سد النهضة أصلا بكل أرقامه مجرد حباية منوم للشعب الأثيوبي اللي مش دريان بأي حاجة ، الكهربا اللي هتطلع من السد تعادل كهربة محطتين اتنين من محطات سيمنز اللي عملناهم ، وأثيوبيا ماعندهاش بنية تحتيه لتوصيل الكهربا دي ويوم ماتعمل بنيه تحتية عايزه عشرين سنه كمان وقتها هتوصل الكهربا فقط ل 60 % من الأراضي الأثيوبية ، يعني لا هتصدر ولا هتجيب عملة صعبة ولا الشعب الأثيوبي هيعيش في الفخفخينا . 

– خطط الحرب أعتقد مصر واضعاها من سنين ، وهي خطط مش خطة واحده ، والمفاوضات برضه كانت لتستيف أوراق قدام المجتمع اللامؤاخذه الدولي ” أصول اللعبة كده” عشان محدش يجي يتبلي علينا ويقول ماقولتولناش ليه

وماتفاوضتوش ليه. 

هل لو اضطررنا لضرب السد هتبقى مجرد عملية لإسقاطه ولا هنطربقها على دماغ الكل ؟ ماعرفش بس المنطق بيقول إنها هتبقى خطوتين، خطوة ضرب السد أولا، ولو اثيوبيا بعدها ضربت طلقة واحده ناحيتنا هنطربق المعبد على دماغهم .

– طب لسه فيه احتمال تاني ؟ أه احتمال إن اللي مشغلين الصبي الأثيوبي بعد مايشوفوا جديتنا في الموضوع

ومناوراتنا العسكرية وجاهزيتنا القتالية يلموا الكتاكيت في اللحظة الأخيره “زي ما حصل في ليبيا” عشان اكيد هيحسبوها حسبة مكسب وخساره لهم ولنا ، ومن ضمن حسبتهم مصر هتكسب ايه غير اسقاط السد وجريان النيل؟

هتكسب إن عبد الفتاح السيسي هيبقى ملك متوج على عرش مصر مدى الحياة ، يعني هيقعد لهم 40 سنه جايين .