سمعني سلام بقلم الشاعر احمد سعيد الشامي

طبل وسمعني احلي سلام. اول و تاني وكمان رابع

وزوق كتير وحبش الكلام. وسمع كل اللي مش سامع

ميهمش ده غلط او تمام. المهم للمدير تفضل خاضع

سايقك وممشيك بلجام. وياريت هيفضل ليك نافع

كفاية فقدت الاحترام. وبين صحابك اسمك تابع

بس ع الخسيس مفيش ملام. القرش ليه اكبر دافع

عنوانه الخضوع والاستسلام. وضميره سافر ومش راجع

قصيدة .سمعني سلام .الشاعر احمد سعيد الشامي