شويه ورق بقلم هند عيد البليدي

شويه ورق بيغيروا ف الاخلاق وف النفوس..
خليت الغني برجليه ع الفقير يدوس..
والزمن يتفرج علي الناس والمسرح متروس..
والكراسي محجوزه والنفوس محبوسه والكلام في النص يمكن يجوز او لا يجوز..
شويه ورق بيغيروا ف الاخلاق وف النفوس..
تحسب حسبتك وتلعب لعبتك والجوكر يكسب وانت هزيمتك متعوس..
ف الجمع والطرح تميل للفرح والحزن جملته نقط وحروف..
شوية ورق بيغيروا ف الاخلاق وف النفوس..
صاحب مصاحب وف المصلحه بان صحبته..
و ف وقت ديقتك تبان كدبته يبعد عنك حضرته..
وانت تقول ده من خياله ملبوس..

شوية ورق بيغيروا ف الاخلاق وف النفوس..

قد تكون صورة لـ ‏‏‏شخص واحد‏، ‏نقود‏‏ و‏نص‏‏