صبيه سمرا بقلمى الشاعر محمد غبن شاعر آل غبن وسفيرا للسلام الدولي

36

25/4/2021

عشقت صبيه سمرا
وجميله زي سمار أرضك يانيل
برغم إنى حنين قوى بس
للأسف حظى والعلم لله قليل
كنت بقول لنفسى هى
فرحة شقايا العمر الطويل
أتارينى توهت وإتعلقت
بيها ومعملتش …. .. حساب
ظنيت الحب هيمشى في
طريقه أتآريه وهم ….كداب
متفهمش غباوه ولا فرحه
زايده وفكرت إني من الأحباب
عارف يانيل اللي حصلي أيه
اتعلقت بحبل شايخ و داب
مش قولتلك ومصدقتنيش
إنى ف الحب مليش نصيب
هي غلطه وبدفع تمنها لإني
ظنيت ف يوم هكون حبيب
حتي لون سمار أرضك
سابنى تايه وعايش وحيد
بعد ماقلبي اتعلق بيها وحس
إن نبضه بيجري ف …الوريد
واضح و باين يانيل اللى
زينا ملهش إنه يعيش سعيد