( طفل برئ) بقلم الشاعر محمد غبن

32

شاعر آل غبن

1/10/2020

 

طفل برئ و بكل قسوه

سابوه مرمى فى الشارع

لا رحموا يوم طفولته ولاضمير

صحى وقال أنا راجع

اتجردوا م الحنان الكل شافوه

و فيهم اللى عامل مش سامع

ياناس الرحمه أيه ماتت ومات

الإيمان معاها ومعدش نافع

ظلموك يامسكين فى الشارع

أسير للعذاب وسابوك وحيد

كإنك مش آدمى عايش شريد

وسط كلاب السكك وقلوب البشر

صبحت معاك صلبه حديد

لا لعبت زى العيال ولا عشت

يوم الفرحه ولا لبست الجديد
حتى الأيام الطيبه اللى بعتها
ربنا ماعشتها ولا فرحت بالعيد
وأنت زى ماأنت عايش بس
مش عايش كأنك فيها طريد
عايزك بس تعيش الدنيا
وإوعاك نظرات الناس والوجوه
أو تعطى ليهم بال هم طمعوا
فى كل شيء حتى الحنان أخدوه
اصنع وجودك واوعاك تزعل
من أحوالها اوتزعل من النفوس
رب العباد هيسقيهم مرارة الكؤوس
ضماير باعت نفسها وهواها والكل
هيآخد حقه وهتتساوى الرؤوس
وهيغنيك ربنا بفضله بس إتعامل
واوعاك تظلم فيه غالبيه منهم
ماشيه قدامك ميته من زمن
عايشين ومش هيلاقوا الكفن
دوس علي كل المرار والمواجع
بص للأمل أكيد يوم وهيكون راجع
لازم تبقى قدها ياهتموت مكانك
والضلمه مفيش بعدها نور طالع