( عاشق ترابك)….
بقلمى الشاعر/ محمد غبن
شاعر آل غبن
18/5/2020
عاشق ترابك ونيلك وخضارك
شمس الوجود بتسعد
لما بتيجي تعدى على دارك
أصلك حنين نبعك عمره لين
عمرك ماقفلتي في وش حد بابك
وعشان كدا بتشرف بيك
مهوا إمتدادي جي من وصالك
بطبعك مسامحه عمرك ماقسيتي
برغم اللي حاولوا يهدوا كيانك
دايما تلاقينى بدعيلك
إلهي يحميك ويعلى مكانك
إنت الكبيره وأم للعرب المخلصين
اللى بيحبوك فعلا من قلبهم
طول عمرك حنينه مخلصه
وقلبك علينا وعلي حالهم
لكن اللي خرج عن المألوف
وحب يطاوع شيطانه ويعاديك
عاش في حضن الصهاينه
عاق حنان أمه بكره ربنا يوريك
السحر هيتقلب علي الساحر
وحقك هيرجع مهما جم عليك
إنت بلد الإنبياء متقلقيش
ربنا هو اللي متكفل بإنه يحميك
وعشان كدا إوعاك يزعلونى
يوم ويقولوا إنك ف حالة احتضار
إنت شامخه بفضل الله وقويه
ياما استحملت غباوة إستعمار
وصبرت واتحملت المآسى
وبفضل ربنا ثم ولادك الشطار
اللي هم في ضهرك وكانت
قلوبهم بالحماس قايده نار
اخدوا القسم علي نفسهم لازم
ترجع شمس اليوم بجمال النهار
ورجعت عزيزه لابسه توب النصر
والفرحه زينت كل حته وكل دار
واتحقق بفضل الله حلمهم
لكن الخسه جوا قلوب قتله مأجوره
كل يوم بنشيع شهداء عايزين
يخلوا قلبك وقلوبنا مكسوره
انت قد كل دا وإن شاء الله
هينزاحوا وترجعي بفرحتك منصوره
بس إوعي تخليني اسمع إن عينيك
باتت ف يوم حزينه أو مقهوره
