أخبارالسياسة والمقالات
عبقرية السادات
دكتورة فاطمه محمود
سهل تكون عبقري صعب تكون السادات
يعني ايه اديناهم فوق دماغهم
يعني طلعلي ٣ افواج من ظباطك يعملوا عمرة واعلن عن دة
دخلي الدبابات والمدرعات ورش الصيانة
نزلي العساكر والظباط اجازات
اعمل دورات رمضانية نلعب كورة
انزل البحر بلبطلك شويه
اعلن عن دعوة لاخت ملكة انجلترا لمصر يوم ٧ اكتوبر
وزير الخارجية بتاعي في مؤتمر في امريكا
قائد السلاح الجوي بتاعى مسافر ليبيا يوم ٦ اكتوبر
سرب خبر من المخابرات الحربية للاعلام ان المطر بوظ مخزون القمح عشان كدة احنا بنستورد قمح مش عشان ظروف ما بعد الحرب ولا حاجة شششش يلا وانت ساكت
اعلن عن ظهور فيروس التيتانيوس في مستشفى
وبكرة في مستشفي وبعده في غيرها وغيرها عشان هنفضيهم عشان نعقمهم من الفيروس ،،، يعني مش عشان مصابين حرب وكدة … لا يعم عشان نعقمهم من التيتانيوس
استورد الات ومواتير ومضخات ل….. ااااه اكيد لخط الضحك بتاعنا
لا يا غبي عشان استصلاح اراضي عندي ششش اسكت اسكت
كل ده وغيره وغير ه من العبقرية والتخطيط واللي هو حاجة بسيطة جدا من اللي حصل ممكن يحكلنا قد ايه حلاوة النصر وآماله اللي حكلنا عليها الرئيس السادات واللي يارب تتجدد فينا جيل بعد جيل ونعرف قد ايه النصر غالي وقد ايه لازم نكون بنحب بلدنا وأرضنا ومش ممكن نفرط في شبر واحد منها
“إن التاريخ العسكري سيتوقف طويلا للفحص والدرس أمام عملية يوم السادس من أكتوبر سنة ثلاثة وسبيعين”..
أنور السادات.
دكتورة فاطمه محمود
تابعنا على
