( عشقتك بصدق) بقلمى الشاعر/ محمد غبن

22
عشقتك بصدق وعايزك
تعوضيني سنينى اللي راحت
كفايه شجن ودموع ساكنه
قلبي وشمس زعلت وغابت
صبحت
حزين زي أم شهيد لما إيد
غداره في ضلمه ع الزناد داست
لأ وكمان مكر الزمان عايز
بكل قسوه يحرمنى من الحنان
ولما رجعت لقيتك لوحدك عايشه
مسجونه ما بين اربع حيطان
قال وأنا اللى جايلك كإني راجع
لأمي بفرحة نصر من الميدان
رجعت وياريت مارجعت لقيت
قلبك شايل هم الدنيا والأحزان
من زمان لما شوفتك قولت
لنفسي هي دي طعم الحياه
هي اللي هتعيش معايا وهتكون
سري وشراعي وطوق النجاه
ولما لقيتك أخر مره فاقده
النطق وبتتعصري من جوا ااه
صوتها في ودانى سامعه بتبكي
عليك ولا علي حلمي اللي راح
مش كفايه عليا صبحت فاقد
الحنيه وكإني طير مكسور الجناح