( علشان فقير)

31

بقلمى الشاعر/ محمد غبن
شاعر آل غبن

( علشان فقير)

يعنى علشان فقير
مش حقى أحب وأعيش
ولا أسلم لحيطان الزمن وهيا
بتقولي عجبك ولا مفيش
أيه شايف نفسك اقولك
إرحل عننا خالص ومتجيش
طيب هروح فين وإنتم ساقينا
كمان وجع و مرار لقمة العيش
ولو حتي نقضيها حلم سبونا
ولا إحنا عندكم كمان منسويش
ليه يازمن بتسقينا مرار
وعامل لينا نقطة نظام وتفتيش
خلينا زي ماقولتلك ندور برغم
دورنا قبل كدا والنتيجة مفيش
مش جايز حبنا اللي فى حلمنا
يخلينا ننسي سنين الجراح
ولو تكون مهله لقلوبنا
تهدى شويه من عذابك وترتاح
ولا هو مكتوب علينا زى التلميذ
اللي ماذاكرش مينولش النجاح
بس إحنا طول عمرنا مساكين
بنحاول نبعد ولو مسافات
من أنين الزمن لقلوب وجعتها
الحياه وعايزه تقضي بالممات
الحلم بسيط خالص هو إننا
نغير من نفسنا لو لحظه أوساعات
ربنا يهديك بعد رسالتي ونعيش
الحلم لجل يصبح فى يوم ذكريات