على لسان امرأه ايمتى ترد

38


كلمات محمد سليمان
قدمت ليك السبت
قدملى يلا الحد
خلاص ياروحى تعبت
وفاض بقلبى بجد
واناصبرى فاض بيا
وانا واقفه مستنيه
ايمتى ترد عليا
وتنسى الخصام والعند….؟
لحدايمتى
اناوانت
ح نفضل كدا….
ناقر ونقير
زى العصافير
ومافيش رضا…..
قيدتلك صوابعى العشره
عشر شمعات
وفضلت صاينه العشره
طول الاوقات
واناصبرى فاض بيا
وانا واقفه مستنيه
ايمتى ترد عليا
وتنسى الخصام والعند……؟
خليك تملى فاكر
كل اول له اخر
مهما السنين طالت….
وان كنت صابره عليك
ولسه قلبى شاريك
هتبقى ذكرى وفاتت
عامل تعمل لوبعدحين
اوعالك تنسى
فى الحب كله سلف ودين
ومسيرى هنسى
ماانا صبرى فاض بيا
وانا واقفه مستنيه
ايمتى ترد عليا
وتنسى الخصام والعند…….؟