عمرو سمير عاطف الجمهور هو اللي يقرر وجود جزء تاني للنهاية
حوار : مصطفي سليم
اثار مسلسل النهاية للفنان يوسف الشريف والمؤلف عمرو سمير عاطف
جدلا واسعا عبر مواقع التواصل الاجتماعي من ردود افعال ايجابيه
وسلبيه وبعض التساؤلات ونظرا لردود افعال الجمهور اجرينا حوار مع
المؤلف “عمرو سمير عاطف”
والجدير بالذكر انا عمرو صاحب الثمانيه والاربعون عاما كاتب مصري
تخرج من كلية الآداب شعبة اللغة الإنجليزية ، ثم درس المسرح وحصل
على دبلومة في الأدب المسرحي من جامعة القاهرة ، وبعد ذلك توجه
لكتابة مسلسلات الأطفال ولعل أشهرها مسلسل ” بكار” وفي عام
2006 اتجه للكتابة الكوميدية للكبار وشارك في تأليف العديد من
المسلسلات مثل تامر وشوقية وراجل وست ستات والعيادة ، كما يعد
أول من أدخل كتابة السيت كوم بالشكل الأكاديمي الصحيح في مصر.
حاز جائزة الدولة التشجيعية في 1998، ويعد أصغر من يحصل على
هذه الجائزة
وتوالت بعدها عدة الأعمال التي أحدثت نجاحا كبيرا في عالم الفن
وأشهرها في عالم السينما فيلم أولا العم وفيلم الجيل الرابع وأشهرها
في عالم الدراما بعد البداية والصياد وكفر دلهاب
الي ان وصلنا للمسلسل الرمضان هذا العام مسلسل النهاية بطولة الفنان
يوسف الشريف وتاليف عمرو سمير عاطف واخراج المخرج ياسر سامي
وانتاج تامر مرسي
ويجيب علي التساؤلات الان : المؤلف عمرو سمير عاطف
مسلسل النهاية فكرة يوسف الشريف والعمل نوعية جديدة في الوطن
العربي وجديدة وليست جديدة فقد بل هي صعبه فهل حضرتك في
الأول كان فيه تخوف من تنفيذ الفكرة من ان لا تحقق النجاح المطلوب
عشان غريبة علي الجمهور وكمان كتنفيذ عربي لاول مره ؟
…. بالطبع كنت متخوف لانها كانت حاجه جديدة وبتطلب امكانيات
وتنفيذ فني 3D فكنت متخوف من النتيجة و إنها متكونش بالجودة
المطلوبة لكن الحمد لله تمت بالشكل المناسب
العمل يدور أحداثه في 2120 فكان فيه تصور كبير جدا للتكنولوجيا
في المستقبل والتقنيات فكان إيه مرجع حضرتك في تصور شكل
الحياة في الوقت ده وهذه التكنولوجيا ؟
… بعمل بحث مطول جدا وبالقراءة المكثفه وبجانب مشاهدة افلام
تسجيليه تتحدث عن المستقبل وكل ده افادني وشكل رؤية كويسه
وقمت ايضا بالاستعانه بمتخصصين فزيائيين كنت براجعهم باستمرار
هل كان فيه تجهيز مع شركة الجرافيكس لتحديد امكانية التنفيذ وإيه
اللي ممكن تنفيذه وإيه لا
ولا كانت الكتابة مبنيه علي تخيل حضرتك والبحث عن منفذ ليه ؟
…. كان فيه تواصل بالتاكيد باستمرار مع شركة الجرافيكس وكان
عندهم اسهامات مهمه مكنش فيه تشارك في الاحداث ولكن المشاركة
في ما يمكن تنفيذه وكيفية العمل عليه بافضل ما يمكن
هل حضرتك كنت تميل للخيال الواقعي في كتابة العمل وعدم المبالغة
والاقتراب من الفانتازيا
لأني وبالبحث هنكتشف أن معظم التكنولوجيا والافكار في منها اللي
موجود حاليا بس غير متواجد للعوام وفيه منها اللي ليه بوادر ظهور؟
… نعم كنت بشتغل علي أن العمل يكون خيال لكن خيال واقعي واحنا
حبينا نقدم الخيال العلمي بطريقة واقعيه ودي طبيعة الفكرة
فيه تشابه كبير مبين يوتوبيا للراحل احمد خالد توفيق فهل العمل تاثر
بيوتوبيا ولا مجرد توارد خواطر ؟
… لا يوجد شيئ اسمه توارد خواطر مع رواية موجودة بالفعل ، انما
يوتوبيا كانت مصدر الهام بالنسبالي لكن مفيش أي تشابه بين العمل
وبين الرواية
هل كان في تخوف من عرض المسلسل بالمضمون ده خاصة اني
العمل يخوض في ملفات وأمور حساسة بالنسب للأديان والمعتقدات
مثل الماسونية و زوال دولة إسرائيل وظهور المسيح الدجال لو ثبت
الامر مثلا ؟
…. لا لا خالص مكنش فيه تخوف ودي مش مواضيع حساسة ولا
حاجه مواضيع عاديه جدا هي مواضيع بتثير الجدل لكن مفيهاش أي
نوع من الحساسية
كيف توصلت لفكرة تجسيد المسيح الدجال في عمل فني لأن اقل ما
يقال عنها انها غير مألوفة خالص علي المشاهد العربي وصعب تجسيده
؟ و هل شايف إن الفنان اياد نصار اداها بالشكل اللي تخيلته ؟
…. انا حابب أن الناس اللي بتتفرج علي المسلسل تخرج بالمعني اللي
هما عاوزينه يخرجو بيه انا مش عاوز اقول بوضوح ده دليل علي كذا
أو دليل علي كذا انا عاوز الناس هي اللي تحكم بنفسها ، ولا طبعا اياد
نصار أدها بشكل ممتاز
… فكرة المسلسل ليوسف الشريف فهل كان للفكره دور في في تضامن
أحداث تحرير القدس وتفكك أمريكا والمسيح الدجال ان ثبت الأمر
في تخيل المستقبل ولا دي حصلة مع الكتابة في القصة ؟
… لا بالفعل دي كانت اساسيات من أساس الفكرة نفسها
كان لحضرتك سيناريو أولاد العم بطولة الفنان كريم عبد العزيز ومني
ذكي وشريف منير وكان بردو فيه تناول لقضيه تخص الموساد
الاسرائيلي فهل حضرتك مهتم بتناول ده في أعمالك؟ !
… أي عربي مهتم بالقضية الفلسطينية والصراع العربي الإسرائيلي
فطبيعي يكون متواجد ده في اعمالي واعمال ناس تانية غيري
حصلت بعض التصريحات من إسرائيل وبعض الاشخاص من انتقادات
وعدم قبول العمل كفكره
كان اية ردك عليها هذه التصريحات ؟
… كنت شايف انه رد فعل مبالغ فيه خصوصا كل اللي اتقال مجرد
جملة في حلقة فكان فيه درجة من المبالغة !
كم اخذ مسلسل النهاية وقت في كتابتة ؟
… استغرق حوالي 8 شهور من الكتابة
فيه جزء تاني لمسلسل النهاية ؟
….. مقررناش لسه ولكن مش عارفيين حسب استقبال الناس للعمل
ورد فعل الناس علي الجزء المعروض حاليا بناء عليه هنقرر نعمل جزء
تاني او لا
هل تضايق احد من فريق العمل علي الجدالات والانتقادات للمسلسل !؟
…. من حق أي حد بيتفرج علي مسلسل النهاية ينتقده لا يوجد ضيق
من أي اراء
النهاية هتكون جرافيك نوفل في وقت ما ؟
…. بالفعل بفكر في كده بس لسه مش عارف
اراء بتعبر عن تضايقها من المسلسل بسبب قصر الحلقات وكلام زين
مع نفسه ايه تفسير ورد حضرتك علي ده ؟!
… من حق أي حد يوجه انتقادات للعمل انا معنديش رد علي
الانتقادات دي انا عملت العمل وبقي من حق الناس تقول رأيها
هل تضررت بعض أحداث مسلسل النهاية بكرونا ؟
…. بالطبع كنا بنواجه صعوبة في التصوير وقامت بالتاثير علي بعض
المشاهد بالمسلسل
هل العمل طلع بالشكل المتخيل بالنسبه لحضرتك من اداء تمثيلي
واخرج وانتاج ؟!
… فيه حاجات احسن كمان ، طبعا المخرج عمل مجهود كبير جدا جدا
بحييه عليه والانتاج الضخم وكل فريق العمل
هل يمكن أن نرى دراما عمرو سمير عاطف عبر منصات مثل نيتفلكس
مثلاً بعيدا عن التلفزيون ؟
… اتمني ده وبسعاله ، وفيه فكرة موجودة بالفعل لكن متردد في
طرحها علي أي شركة عربية ، أو يمكن طرحها على منصات العروض
مثل نيتفلكس لكن انا شايف انها خطوة مهمه وبتمني تحصل قريبا .
هل يوجد تجربة اخري قريبا لنوعية مماثلة من الخيال العلمي حتي
وان كان بشكل مختلف
… لا يوجد فكرة في الوقت الحالي لكن مين عارف يمكن يكون موجود
عمل قريب في المستقبل ويمكن في وقت قريب نقدر نكرر التجربة
حابب توجه رسالة لمشاهديين مسلسل النهاية ؟
…اتمني المسلسل يعجب كل الناس وانشاء الله الحلقات الجايه تعجبهم
وعجبني ردود الافعال !
