أدب وثقافه

غدر الأصحاب

إيمان نجار

قالوا زمان في الأمثال

أصحاب النخوة اثنين

وأصحاب المصلحه ألفين

وقليل الأصل له ريحه

تشمها على بعد ميلين

وصدق المثل اللي يقول

آمنتك تدخل داري

وبقيت من أهل البيت

تاكل من عيشي وملحي

ولاصونت لاعيش ولاجيرة

واتاريك قاصد تجرحني

ماهو أصل قليل الأصل

ولايملك أصل وسيرة

قولت إنك تبقى أخويا 

أبن أمي وأبن أبويا 

وبقيت كده واحد منا

لكن إبليس طماع 

مبدأه بعيش ع الفرقه

وبوسوسته بيخدعنا

واذا كانشي ياناس خداع

كان ربنا طرده من الجنه

لو فاكر إنك يوم

تدخل داري وتطعني

وتعمل على عيلتي حوار

وتجيب سيرتي وتخدعني

وبعد ماشلتك فوق راسي

تطعني ف أهلي وناسي

وفاكر هيخبوا عليا

قلة أصلك ياخسيس

جيتني وانت بتتسحب

ودخلت ولا الثعبان

ماخلاص أصلك أهو بان

إن أنت عديم النخوة

ومالكش أمان وجبان

زر الذهاب إلى الأعلى