غروب الشمس

36

بقلم / هند البليدي

وقت غروب الشمس الدنيا بتبكي والأشواق جوانا تزيد..

تاخد معها البسمه والضحكه والعمر سكة قطر بعيد..

وقت غروب الشمس الدنيا تضلم وقمرنا ينور الكون..

وسط نجومه بيحكي حكاوي عشاق للحب جنون..

وقت غروب الشمس دموعنا تسيل في سجودنا دعوه تخفي ذنوب..
تبدل حسنات في حياتنا والرحمه في قلوبنا تبات..

تمحي هموم وكلام مش مفهوم ونرضي بحياتنا وسعادتنا في ملامحنا تبان..
وفضل المولي علينا غفران..

وقت غروب الشمس نفوسنا تهدي وتروق..
وفي البحر تلاقي هدوء..
وساعات البال يروق وتتمني اللحظه ماتفوت..

وقت غروب الشمس أتمني أمنيه فيها خير ليك وليه وخلي قلبك صافي النيه والفرح جوانا يعود..

وقت غروب الشمس البال بيروق..