بتعرف شو،،،،،
أحيان بنقول للناس كل شي حابين نحنا نسمعه من غيرنا،،،،
بنقول نصايح كنا بحاجه إلها بموقف ما،،،،،
بنقول كلام حب كان بخاطرنا نسمعه من شخص معين،،،،
بنقول عبارات مليانه عاطفه ومشاعر ياريت حدا بعبيها فينا،،،،
نحنا يلي دايماً بنعطي وبنقدم كل شي فاقدينه ،،،،حتى غيرنا مايحس بالفقد ذاته،،،،،،
كذاب يلي قال فاقد الشيء لايعطيه ،،،،لأن بس يلي عاش شعور الفقدان هو يلي بيعرف كتير منيح الإحساس الصح فيه ،،،،
الأم يلي ربت ولد بحضنها مارح تحس بأنثى عم تحلم بالأمومه،،،،،
والأب يلي لقى ولد يسنده ويكون بضهره مارح يحس برجال عايش بين أربع حيطان مع المرض عم يصارع الموت وحده ،،،،
الناجح يلي لابس توب التخرج مارح يحس بكسرة الشخص يلي كانت امنيته يلبس نفس التوب ،،،،،
والغني يلي عايش بقصور مارح يشعر بالبرد يلي بعانيه فقير سقف بيته من تنك ،،،،،،
يلي شبعانه بطنه مارح يحس قديه الجوع كافر ،،،،
يعني مثلا وقت بنكسر عضمك ماحدا رح يحس بوجعك بس أنت رح تحس بوجع كل شخص بيشبهك ،،،،،
لهيك أحيان بنكون بحاجه نحكي كتير ومانوقف عن الحكي،،،،نطلع أمنيات وحكايات ،،،،حب وعواطف وشوق من جواتنا ونقدمن لغيرنا حتى نحس أن رتحنا من حمل عايش جواتنا تاعبنا ،،،،
قديه نحنا عايشين لنعبي فراغ يداخل غيرنا،،،،،على أمل حدا يحس فينا ،،،،ويسمعنا الكلام يلي عبالنا نسمعه ،،،،
ماتقول مجرد حكي ،،،،وأن الكلمه مابتقدم ولا بتأخر،،،،،
أوقات كتير نحنا بحاجه ل حرف بس حرف ،،،،لنقدر نكمل حياتنا ،،،،وأوقات حرف واحد بيكسرنا وبخلينا نخسر كل شي،،
