“فخـــــر مصـــــر” أنتم في الفردوس الأعلى
كتبت/ جيهان مشعل
دي لم تكن صورة عامل بناء مطحون ولا صورة عامل نظافه محترم ولا صورة عامل محاجر مُخلص ولا صورة سواق عربية رمل ولا صورة أى حد ممكن تيجى مهنته فى بالك لأ خالص.
دى صورة ضابط جيش مصرى
اه والله صدقني تعاله كده ناخد فكره عنهم، ده خريج الكلية الحربية اللى فى مصر الجديدة ،ضابط صاعقة ، ضابط قوات خاصة من طراز فريد وذو كفائه لا توصف بس ده شكلهم لما بيبقوا راجعين من المداهمه اللى راسم صورة النظاره الشمس و السيجاره و كان البيبسى المشبر وخد يا ابنى أعمل شاى للبهوات و البشوات لا سعادتك ده الواقع بتاع الناس اللي بتشتغل للبلد واقع كلمة بطل مقاتل في شمال سينا أو ف اي مكان شايل روحه علي كفه وبيشتغل علشان يوفي بالقسم والعهد اللي اقسمه أمام الله يوم تخرجه ..
صورة البطل الشهيد بإذن الله
رائد مقاتل / وائل كمال
من قوة الدفعة( ١٠٤) حربية سلاح الصاعقة الكتيبة الباسلة (١٠٣) صاعقة أبطال العريش و تلميذ الشهيد “أحمد منسى”
واللي وصي انه يتدفن جنبه ف المقابر بتعتهم وتم استأذان أهل الشهيد منسي ووافقو واتدفن جنب صاحبه ف الدنيا علشان يبقي رفيقه ان شاء الله ف الجنه .
استشهد البطل (٢٠/١٢/٢٠١٧)
ومن هنا نناشد كل أب وأم علموا أبنائكم حب الوطن
احفرو في ازهانهم الانتماء للوطن ونناشد المسؤلين أين حصة التربية الوطنية من مدارسنا أين المعلمين والمعلمات من تدريس وحفر حب الوطن والانتماء للوطن للأبناء أين أنتم من هذا ياسادة واقفه مع أنفسنا جميعاً عندما نزرع الانتماء وحب الوطن في زهن أولادنا وتفكرهم ف إعلم أنك تخلصت على الإرهاب، ربنا يحفظ مصر ويرحم شهداء الوطن
