فراخ مدلعه بالبصل المكرمل

21

كتبت .الاء مهدى

مش اى فرخة تبقى مدلعه وبطعم جنان انهارده حعمل معاكى الذ فراخ  بالبصل المكرمل 

الطريقة :

نجيب الفرخة ونغسلها كويس جدا بخل وجنزبيل وملح ودقيق وبعدين نشطفها ونقطعها

نجهز حلة فيها زيت وحتة زبده او سمنه وننزل بالفراخ وملح وفلفل اسود
واقلب فيها شوية على الناحيتين وبعدين اشيلها على جنب

نجهز بصل كتير مقطع جوانح انزل بيه مكان الفراخ فى الحلة وعليه معلقة سكر مش بتخليها مسكرة ولا حاجة

نفضل نقلب فى البصل لحد مايبقى لونه بنى كدة انزل بالفراخ تانى وعليها جنزبيل بوردة وفلفل أسود وملح وثوم بودرة وبصل بودرة ومعلقة صغيرة سكر واقلب شوية

وبعدين نحط نص كوباية ماية ونهدى النار واسيبها تكمل سوا واقلب فيها على الناحيتين بتاخد حوالى ربع ساعة وبعدين نطفى عليها
واحطها فى صينية وادخلها الفرن تحت الشواية تاخد بالصوص بتاعها لون حلو كدة
وبالهنا والشفا