فرق الكلمه والاسلوب بقلم / سما السعيد

الكلمه الحلوة ومدي تأثيرها علي النفس…… وازاي لو الوحشه في محلها ممكن تهدم الدنيا …..
والحلوه الطيبه قادرة تفرح وتسعد القلب وتجبر الخواطر….
ساعات كتير بيتقالنا كلام حلو وطيب وبنحس قد ايه هو بيفرق معانا وفي نفسيتنا جدا وبيزيد غلاوه صاحبها كمان
وقد ايه فعلا بنكون محتاجينه
قد ايه حاجة بسيطة جدا جدا ومش مكلفاك اي حاجة خالص بتفرق وبتسعد وبتفرح
‏ بالعكس دا ثمن الفرحة والضحكه اللي بتشوفها مرسومه علي وش حبايبك غاليه جدااا
‏حقيقي يا جماعة الكلمه بتفرق والإبتسامة الصافيه بتفرق واللمسه الحنينه اللي طالعه من القلب بتفرق وبتتحس
جداااا
‏وكذلك الكلمه الوحشة ممكن تهدم بيوت وتهدم علاقات وتهدم غلاوه وحب كانوا موجودين بالفعل بسب السوء
والقبح في الاسلوب
‏ممكن تخليك تبعد عن اكتر انسان كنت بتحبه ممكن تخليك متبقاش قادر تشوفه أو تسمع صوته حتي ولا تتعامل معاه لأن بيبقي خلاص وصلت لمرحله انك تعبت من الشخص دا وبقي شخص مؤذي بالنسبالك مؤذي لنفسيتك ولراحتك وبيفقدك الثقة بنفسك مؤذي بدرجة كبيرة تخليك تبعد عنه
‏قد ايه الكلمه بنوعيها الاثنين بتأثر فينا وفي اللي حوالينا قد اي ممكن تحسسك انك غالي عند شخص أو لا
‏قد ايه قادرة تعطيك ثقة وفرحة وقد ايه قادرة تسلبها منك
‏عايزين نزود غلوتنا عند اللي بنحبهم عاوزين نبقي فارقين وسايبين ذكري جميله ليهم تكون خالدة ولمسه حب باقيه ومستمره عايزين نبقي مرسال الكلمه الطيبه وسبب في استمرارها وسبب الفرحة اللي بتحدثها ……
واخيرا

الكلمه الحلوة اسلوب حياه …

قد تكون صورة لـ ‏نص مفاده '‏كلمة‏'‏