قصيدة بحبك موت بقلمي هالة جاب الله

105

وبحب الشمس في نور عينك
وبحب الحزن في تكوينك
وبحب الخوف
مع انى ساعات مش خوافه
بارتاح في الضحكه الشفافه
بلا أي كسوف
وبحب اتحنى بلون فرحك
واتدوب بلسم على جرحك
واداوي بعمري الام طارحه
واضحك من روحي بعلو الصوت
وبحب اتملى بتفاصيلك
واغرق في بحورك واحكيلك
واتوه بغرامك في الملكوت
وبحب اتكلم مع طيفك
وبحب استسلم لكلامك
مع ان كلامك كله سكوت
وبحب اتهجى حروف اسمك
وادوب روحى في دفا قلبك
متعلق حلمى بورق التوت
وبحب استمتع بوجودك
بشتاق لعيونك وجنونك
واتخبى مجازاً فين ماتفوت
وبحب اتمرد على روحي
شايلاها جراحي على كفوفي
واتمنى أعيشها بالمظبوط
وبحب الفرح ان كان لونك
ترسملي البسمه على جبينك
وتوزع صبرنا في الملكوت
وبحبك موت
………………….
هالة جاب الله
من ديوان
#في_براح_الامنيات