قصيدة (حب العمر) لشاعر اشرف عبد العزيز حُب العمر

بتبعدنا الحياة لسنين
ونتلاقى بناس تانيين
نتوه في الدنيا وتاخدنا
وجوة قلوبنا شوق وحنين

نقابل ناس يحبونا ونهجرهم
ونحضن ناس بأوجاعنا نحنلهم
ملامحنا بتحفر فيها ذِكرانا
ولو عدى الزمان في القلب ملامحهم

ليالي الشوق وسهد القلب حالي
ليلاتي القلب بيغنيك موالي
تعالي وشوفي لفين بقى حالي
حفر ع الخد دمع العين أنين

واقولك : نظرة من عينك تاخدني
تداوي الجرح لسنين دوبتني
مشينا وراها تُهنا وتوهتني
و مهما قابلنا في الدنيادي دنيا
هتبقي لوحدك الدنيا اللي خطفتني

ليالي الحب بيك وليك تحلالي
نهار يفرح يشقشق عشق عالي
تعالي نكمل الرحله تعالي
تعالي عليا نحصد حب غالي

أحلى الكلام يتقال فدا عيونك
والله ولا تحلالي من دونك
متمررة في الحلق ، متكررة الأحزان
متصبرة الدمعة بالنار ولا البركان
بنقول خلاص الفرح .. طب فينه و فينك

لحظة أدان الفجر بتحسسني بيك
فاتوضى وادعي ربي يزرع
نفس عشقي وحبي فيك