القسم الديني

قصيدة (كسرتي غروري) للشاعر محمد اشرف

 

بتداري في عشقك ليا
وأنا عشقك في قلبي مترسب
حُبك جاري في شرياني
ومنه لا عايز أتوب ولا أهرب
يا أم العسون سوده
وغمازات علي خدودك
نفسي يبقالي مكان جوه عيونك
شوفت كتير لكن مشوفتش في عودك
وإن شوفت أكيد عنيا بتكدب
ده عشقك في قلبي مترسب

أنا جوايا ليكي كلام كتير ونفسي أقوله
كلام يفوق شقا النهار وسهر الليل وطوله
لكن كل الكلام مش جدير بوصف حالتي
ولا كل أطبة الكون يقدروا يداووا حيرتي
نفسي أعيش وياكي الحب على طريقتي
وأوهبلك روحي وقلبي وأكتر عشانك يهونوا
لو بس تعيشي هواكي وقلبك يسمع إللي هقوله

أنا كل ليلة بيجيني طيفك
بنسيم ربيع قبل أوانه
في عيونك شئ غريب
حرك قلبي من مكانه
أنا قلبك كنت أرض بور
صعب يطلع فيها عود
من يوم ما خطيتي فيها
بقت أجمل من أجمل بستان ورود
من غيرك بحس حالي مش موجود
وبوجودك بشوف الكون بكامل ألوانه
ولقيت قلبي أما شافك شاف أحلى أيامه

رغم إنك بريئه لكن عيونك قادرة
كسرتي غروري إللي كنت بانيه
وإحساسي إللي كان مكبوت طلعتيه
بضحكه من جمالها
خلت الدنيا رغم غموضها
تحلى وتكشف عن لونها
أنا قلبي خلاص فاض بيه
إمتى تقربي وتريحيه

اعلان

صحيح الحب موجته عالية
لكن إدخلي جواها ولا تخافي
إروي بحر الغرام من حبك الصافي
أنا نفسي الخطوة تخونها وتيجي بيها
مبقتش عايش غير بيها وليها
كواني الهوا في عشقك
إمتى حالة قلبي تحسيها
إطلبي وعود إحلمي وإياكي تخافي
هعلم قلبي إزاي يكون لوعودك وافي

متقوليش إنك خايفه الحب أهملك
وأكون في حبك جاهل مش بفهم
ده قربك ليا حياه وبُعدك شئ مؤلم
والله بحق كل كلمه بتمناها منك
الدنيا كلها ما تغنيني ثانية عنك
ولو هطوي حلوها كله وأكتفي بمُرك
لسه شايفه إني في حبك
ممكن أكون جاهل مش بفهم
إنتي لو طلبتي حته من السما
أعمل عشانك من الهوا سلم

اعلان

اترك تعليقاً

زر الذهاب إلى الأعلى