قطفة من بستان الطفولة الاستحمام فى الشتاء

17

متابعة ميرام احمد

ومن أجمل ما قرأت لكى سيدتى فى عالم الأمومة والطفولة استحمام الطفل ولكن ليس هذا ما هو ممتع فقط والممتع هو كيفية الاستحمام فى فصل الشتاء وكيف تحافظين على طفلك وتنظفيه  لعيسي المسيرى

إستحمام الطفل في فصل الشتاء

بنشوف أمهات بتقول مش بحمى إبني في الشتاء عشان بيتعب 

وده من أكتر المفاهيم الخاطئة ، إستحمام الطفل في فصل الشتاء لا يعرضهم للإصابة بنزلات البرد طالما أنه بيتم بالطريقة الصحيحة 

-نظافة الطفل تحمية من الأمراض- 

بننصح بإستحمام الطفل في الشتاء ٣ مرات أسبوعيا

ووقت الإستحمام يكون مختصر قدر الإمكان

علشان إستحمام بأمان 

اتأكدي من درجة حرارة الماء أنها مناسبة قبل ما الطفل يقلع هدومه.. ماء دافئ وليس شديد الحرارة 

إغلاق كل منافذ الهواء أثناء الإستحمام

في حديثي الولادة ابدأي بغسل جسم الطفل أول ولفيه بفوطه وبعدين غسل رأسه

حضري كل مستلزمات الإستحمام من شامبو ،صابون، لوفة ، حفاضة ،ملابس بجانبك

جففي طفلك جيدا بعد الأستحمام الجسم والشعر

يفضل إستحمام الطفل بالليل قبل النوم لضمان عدم تعرضه لتيار هواء 

خلي بالك في فصل الشتاء

لبسي الطفل ملابس مناسبة للجو لا أكثر ولا أقل

اتأكدي إن هدوم الطفل مش مبللة من تسريب حفاضة أو رضاعة وغيره… 

لو الدفاية في أوضة ميخرجش منها علي طول ، لازم تطفي الدفاية وتفتحي باب الأوضة لحد ما درجة حرارتها تبقي زي درجة حرارة باقي البيت تقريبا

تتعرض بشرة الطفل للجفاف في فصل الشتاء.. ادهني بشرة الطفل بالكريمات المرطبة المناسبة لبشرته

إحرصي علي نظافة الملابس وتغير جوارب القدم