قوت الغلابه)/ بقلمى الشاعر/ محمد غبن  شاعر آل غبن 

قوت الغلابه فى
إيد شويه متعرفش ربنا 
ماتت الرحمه من 
قلوبهم ومهمش مننا
ناقص عليهم لو
مش عيبه يبيعوا لحمنا
وعادى بالنسبه ليهم نبقي
هياكل تمشي على عضمها
عايشين معانا 
زي صهاينة قدسنا
لجل يعيشوا ويبقوا
الصفوه والضحيه ولادها
الضمير دايما في أجازه
وإحنا ليهم زى فرانها
وأهي أي حاجه 
م البواقي نلملمها وناكلها
أهم شئ منتكلمش
علشان منعنكنش بس مزاجها
ويظهروا أمام إعلامها
هم صفوتها وكبارها
هتعمل ايه البلد لناس
باعت فى الأصل ضمايرها
إذا كان من الغلا أوالأحتكار
عملت عهد ويا شياطنها
ياريت بس ترجع لربنا
ولسنة نبيها وشفيعها