أدب وثقافه

كلام الناس

إيمان نجار

البنت:☺️☺️

مستحية حط عيوني بعيونك

أول مرة بقابلك وبشوفك

عم أخد من وقتك رغم ظروفك

بشكرك ع أخلاقك وأسلوبك 

الشاب:🤨

لا أبداً ما بدي تشكريني

وقت إلي حكيتك وحكيتيني

قلتلك الدني بألف خير صدقيني

وأنا حدك وأكيد سندك بس ما تغدريني

البنت:☺️☺️

عم تسمعني وبتكون معي بأصعب ظروف

بطمني وبتنصحني ومن جواتي بتشيل الخوف

أنت مني ما ألك مصلحة ونيتك معي بريئة

أنت نادر بهالزمن ما بتشبه حدا هيدي الحقيقة

الشاب:🤨

الله سخرني إلك وحطك بطريقي أمانة

ويلي بخاف على أخته بخاف ع عرض التاني

بعرف شفتي ناس تافهة وجبانة

لأنك قلتي لا لشخص كان معك أناني 

وبعرف الفكرة الي عنك أخدوها

وصورتك كيف حاولو يشوهوها

لا تسمحي لحدا يقرر عنك

هيدي حياتك وهيدا حقك بالنهاية

البنت:☺️☺️

شو بعمل حظي بهالدني قليل

ومش عم اخلص من القال والقيل

لأن ما رضيت ذل نفسي ووقفت بوجن 

وقلت لا مابكمل مستحيل 

صرت مش منيحة ونظرتهن إلي بطلت بريئة

طيب إذا أخترت كرامتي بكون عملت خطيئة؟؟؟

الشاب:🤨

برجع وبقلك لغير حالك ما تهتمي

كلام الناس لا بدخلك نار ولا بربحك جنة

ما تشوفي كل الناس بصورة وحدي

إل متلي كتار رجال وقد التحدي

وعدتك وباقي وللموت وعدي

إنك متل بنتي وأختي أو حتى أمي 

البنت؛☺️

بعرف خليتني من الضعف كون قوية

وقد ما كلام الناس يجلد فيي

ما إنكسر ولا أوقع ولا أهتم 

لأنك إلي سند يا رفيقي وبيي وخيي

رح كمل حياتي بفرح وبضحك 

وأترك للناس أفكارها الغبيه

زر الذهاب إلى الأعلى