( كلمة بحبك)

29

بقلمى الشاعر/ محمد غبن
شاعر آل غبن

( كلمة بحبك)

كلمه بحبك بس اعتبريها
بالدنيا دى أغلى من مهرك
أيه الفايده لما يكون
راسمالى وعمره ما حب قلبك
وكإنك بالنسبه ليه سلعه
وإشتراها ودفع وقتها تمنك
هوا دا اللى بدورى عليه
وبالنسبه ليك هوا حلمك
خلاص روحى بس مش
مسؤول لما تيجي وقتها بدمعك
إفتكرى كلامي كويس لما
قولتلك في يوم عمرك ماهتحبيه
إنت مبهوره في المظاهر ومفكره
انك معاه هتعيشي وتطيري بيه
وهتحققى السعاده والهنا
وكل اللى بتحلمى تشوفيه
بس إسمحيلي تقديرك
ماجاش في محله وخسرت كتير
إوعى تفكرى شمتان ولا حاجه
انا بس حزين على عقلك الكبير
مش هتصدقى لما أقولك كنت
بحلم وقتها علي قدي اخدك وأطير
وشويه شويه هتشوفي
قيمة الحب مع حبيبك الفقير
اللي رفضتيه في يوم
وقولتي معلش قلبي ملك الغير
وقت ما كنت بتضحكي علي
نفسك وسبت قلبي يتحرق بالنار
قسوه مكنتش متوقعها منك
عذبت قلبي بكآس الأسيه والمرار