كوكتيل مشاعر بقلم / هبه الببلاوي

38

كل تجربه تمر بيها لازم يوم وتنتهي وتعبر بسلام
وديما أي حزن في بدايته بيكون كبير لدرجة إن القلب مبيقدرش يساعه ولا يتحمله ..بس اللي بيصبرنا علي الأحزان وجود ناس جميله في حياتنا بيقفوا جنبنا وينسونا أي هموم ..
الناس اللي ديما يقولوا لينا كلام يهون حزننا وبيعرفونا ان كل ضيقة مش بتستمر مدي الحياة ..ومهما كان فيك من أحزان افتكر إن ربنا منحك قلب يساع كل شئ فرح وحزن ،سراء وضراء ،المهم نحمد ربنا علي كل شئ المنع والعطاء واليسر والبلاء ونحمده علي وجود ناس معانا قلبهم حنين بيهونوا علينا مصاعب الحياة وأحزانها
وكل تجربة حزينه بتقولك وتعلمك إنك متسبش نفسك داخل قيد وحلقة مفرغة يصعب الخروج منها
ومتنساش مهمتك الرئيسية في الحياة وإبدأ في تخطي العقبات وشارك الحياة بكل ما أتيت من عزم وتفاؤل
وعيش في كوكتيل من المشاعر بحلوها ومرها