لجمالك سيدتى عنوان بالكنانة بقلم الاء مهدى

6

كتبت .الاء مهدى

المراه عنوان الجمال والأنوثة والرقه واهتمامك بنفسك لابد منه لانك عنوان منزلك ولذلك أعطيكى بعض النصائح اليوم

 

 اولا التغذية

– اشربى مياه كتير وخصوصاً للذين يعانون من جفاف البشرة .

– تناولى  الخضروات والفواكه (التفاح والموز يرطب البشره وينعشها )

– ضرورى تتناولى السمك مرتين فى الاسبوع .

– تناول  الاكلات التى تساعد على هدوء الاعصاب وتحسين المزاج مثل  ( الخس – الجزر – الليمون – البطاطا – الفاصوليا- الينسون – الكاكاو مهدئ جدا ولكن لا تكثرى منه لو كنتى تتابعى حمية غذائية (دايت)

– فيتامين A هو فيتامين الجمال ونقص كميتة بالجسم بيسبب خشونة في الجلد وجفافه وطبعا تكسر الأظافر وتقصف الشعر . وجباته هى  (الجزر- البرتقال- المشمش- اللبن- البقدونس- السبانخ – الكبدة – صفار البيض -الزبدة )

– البنجر فيه كمية كبيرة من فيتامين c فهو يحمى الجلد ويمنع ظهور البقع الداكنة والهالات السودا. والبنجر بيورد الخدود والشفايف.

ثانيا ضرورة النوم الكافي

 بما يعادل 8 ساعــات يوميا فى الليل لان الخلايا تتجدد بسرعة أكبر خلال فترة الليل

 ثالثا اضحكى كتير اتفرجى على افلام كوميدى اقرى نكت لان الضحك بينور الوش جدا

 رابعا ماساكات لتبيض البشرة ونعومتها 

١- العسل واللبن والليمون.

الماسك ده رائع بيخلص من اسمرار البشرة ويخليها ناعمة زى البيبى بس لو استمريتى عليه .. حطيه على بشرتك ربع ساعة واغسليه بماء دافىء مرتين فى الاسبوع.

٢- قناع الترمس هايل جدا لتفتيح البشرة

    ترمس المطحون

   لبن مجفف و ضيفى قليل من الماء للحصول على معجون متجانس وضعيه على الجسم واتركيه لمدة 30 دقيقة ثم قومي بفرك الجسم للتخلص من طبقات الجلد الميتة واغسليه بالماء الدافيء. كرري الماسك مرتين أسبوعيا عشان تحسى بالفرق والنتيجة ترضيكى .

 ٣- والمعروف طبعا ماسك الزبادى والخيار بيطرى البشرة وينعمها .. ابشرى الخيار وقلبيه مع الزبادى وحطيه على بشرتك ٢٠ دقيقة الماسك ده يستخدم اكتر للبشرة الجافة .

٤- ادهنى رجليكى بزبدة كاكاو فظيعة بتنعم جدا وبتقضى على التشققات.