لسه في مكانك

ويا جراح وحيره جوا عينيها

من غير ما تكلم بتقولي آسفه

حزن شديد حسيته مش قادر

أوصفه خلاص بجد مش عارفه

طيب إزاي هواسيها والجرح

غريق ملهش شراع ولا دفه

أنت عارف العقول حواليا مش

قادره اعمل ف أمرنا حاجه

ايه يعني بنحب بعض وأيه

يعني نفوسنا مشتاقه

أنت معملتش اي شيء ولا

شغلت نفسك لجل تلملم حبنا

آديك شايف النتيجه ضيعت

بإيديك گل شئ وضاع عمرنا

عشناه من و إحنا صغيرين لجل

ف الأخر بيت صغير يضمنا

إوعاك تلومني وتعاتب انت

اللي مقدرتش تصون عهدنا

بلاش تعمل فيها مضايق مش

هدوءك دا اللي كسر عزمنا

هيفيد بأيه البكا سكوتك زرعته

أنين مادقناش طعم الهنا

أنا جايه بس أبرئ نفسي مش

قدامك لالا قدام ربنا

أفتكر وبقولهالك حاسب نفسك

كويس متنساش تبكي على حالك

إبكي على سنينا المفقوده اللي

ضاعت وأنت لسه واقف مكانك