لما تبدأ عام جديد

بقلم/لميس سعد

لما تبدأ عام جديد..

خطي فيه من غير آنين..

إكسر وجعك وإبني نفسك من جديد..

وإعمل من كل صعب طريق لنور الشمس يهديك..

إنسي آلمك وإزرع بنفسك ورود في قلبك..

نور طريقك بنفسك ساعتها هتلاقي الدفا لقلبك..

وإسند نفسك بنفسك ساعتها هتلاقي بس سندك مقويك..

ويوم ماتضيق عليك هتلاقي ربك بينجيك..

وفوت حزنك وقهرة قلبك وإتولد من جديد..

ودع عام فيه أحزان فيه أوجاع آيًا كان بقي ماضي وراح..

أدخل عام جديد خد فيه الحلو إللي طلعت بيه..

خد نفسك بروح تانية بفكر تاني لكن حافظ علي قلب الطفل إللي فيك..

حافظ علي نقطة فاصلة بتفصلك وتنجيك من متاهة غريبة بقينا عايشينها وفيها تائهين..

حافظ علي طيبة قلبك ونقاء روحك حتي وإنت بتبدأ عام جديد..

حافظ علي روحك الحلوة وضحكتك وخليها بس لقلبك..

ويوم ماتلاقي الدنيا وجعتك إحضن نفسك وطبطب علي قلبك ساعتها بس هتحس إنك فعلاً بدأت عام جديد..