473 شارك ماتستهليش إني أكون تحت طوعك أبقى ملازمك بجري ف دمك زي كرات الدم البيضا زي كرات الدم الحمرا بتنفس هوى خلايا جسمك من حبي فيكي أقول إسمك وأنا ساكن جوه ضلوعك لاكنك خرجتي عن طوعي إتمردتي على خضوعي مابقتش حسبه ف مجموعك مابتجمعنيش مابتطرحنيش بقيت خارج مركز ضوئك بعد ماكنت أنا مملوكك بقيت الهامش مابتشوفينيش ماتستهليش إني أكون مالك ربوعك حارس وردك فلك ونخلك أروي شجرك وأنا ف ضلك لو بس شمسك باست خدك أفرش رموشي تحمي وردك أسد بحناني رمق جوعك بس للأسف شفتك خنتي ف أعز مانا محتاجك بعتي ف أنتي برضوا عليا هنتي برغم بكاكي ليا وركوعك لغير الله ماتركعليش ماتستهليش إني أكون ملك على عرشك طفل مجنون أنام على رمشك وكل همس حناني محاوطك وجيوش مشاعري رهن إشارتك وقت الجد يهاجموا إمارتك يقاوموا أمواج سحر شطك وأكون حوتك وساعه قرشك أنزل بحرك ماتطلعنيش وأنا غرقان ماتخافيش ماتستهليش الحب أصلاً ماهوش شهوه بيجي ببسمه بيجي بكلمه ممكن يحضر من خبطة باب ممكن يضحك من بعد غياب مالوش مواعيد ولا أعياد ديمأ بغزاله بيجي على سهوه المهم يكون الشوق مفرود مش مقطوع بخصام ممدود ولا بخيانه ولا بصدود بنشوفه فجأه زي النوه وإنتي خيانتك كانت قوه بعد العشره قلتي أتسلى رميتي عهدك ف أكبر سله ضميرك مات عني إتخلى موتي فيا ليه فرحتي قتلتي فيا ليه محبتي ضيعتي مني ليه ضحكتي بإيه يفيد سيل دموعك مابقتش طفل حابب رجوعك لسه هتعلق ماتشعلقنيش ماتستهليش ماتستهليش يوسف أبو زينة 13/9/2021 ماتستهليش للشاعر يوسف أبو زينة 473 شارك
