أدب وثقافه

ماتنفعنيش

إيمان نجار

إنت ماتنعفنيش

خلي كلام الناس بودانك

خلي كلامهم يجيبك وياخدك

خليه بقى يفيدك ،أعموا على بصيرتك

مات ضميرهم جوا ضميرك

كرهوك فيا وهانوني

كذبتني وماصدقتنيش

تبقى أنت ماتنعفنيش

إنت إنت بقيت بنظري سراب

جثه تحللت وأصبحت تراب 

خلتني قاسيه ومؤذيه

أنا بصلي وبدعي عليك

ظلمتني وسمعتهم

انا خبرتك عنهم وإفتكر إني قولتك

جاي اليوم يخربوا عليك

إنت فعلا ماتنفعنيش

انا كنت لك داء ودواء

تحملت كتير عشانك

كنت قوتك وقت ضعفك

كنت شادة على إيديك

بلحظه بعتني ونسيت

وجيت تجرح بكلامك 

عملت مني كائن غريب

جاي بتطعن بقلبي

حتى إنك ماسمعتنيش

يبقى أنت ماتنعفنيش

أنا مين؟

جاي بتسأل ولك عين

أنا لضيعت عمرها عشانك

واستحملت شكك وظنونك وجنانك

ماهو فعلا إحساسي أعمى 

هو لو بيبصر ماكنش حبك

وكان شاف فيك العيوب

وكان صدق كلام الناس

وخلاهم يلعبوا بيا

زي ماهو لعبوا عليك

عايز الصدق مابتنفعنيش

عايز تعرف أنا مين؟

من بعد كلامك وقساوتك

والصورة لوصفتني بيها

وعيوب الدنيا لجبتها فيا

وزعلان على توبه إبليسك

أنا إلي مايشرفهاش حبك

دنا فيا رجوله أكتر منك

أنا لعمرها ماخانت ولاباعت

أنا لظلمتها بخيبتك

ومش هسمحك

ولو كان حبك شفاء ليا مش حرجعلك

أصل أنت بقيت وهم وماتنعفنيش

زر الذهاب إلى الأعلى