ما هو اعلام الوراثه ودوره القانونى

9

بقلم عاطف سيد المحامى بالنقض

 

 

 والإدارية العليا والدستورية العليا

 

ما هو اعلام_الوراثه ودوره القانونى

علشان ناس كتير فاهمه أن أعلام الوراثه بيوزع التركه وبيقسم التركه على الورثه وكلام كتير زى كده لذلك وجب التنبيه ..

اولا .. إعلام الوراثه

كل دوره انه بيحدد النصيب الشرعى لكل وريث على المشاع فى كامل تركة المتوفى

ايه ده يعنى ايه .. ؟؟

يعنى بيكون مكتوب فيه مثلا أن فلان توفى وترك زوج وأبناء واب وأم وبيكون نصيب كل واحد مثلا الربع أو النصف أو للذكر مثل حظ الانثيين فى كامل تركة المتوفى .. تانى

 فى كامل تركة المتوفى ..

فقط لاغير ..

#ثانيا .. إعلام الوراثه مش بيتكتب فيه أملاك المتوفى يعنى ماحدش يقولى أصله عنده عماره وعاوزين نعمل أعلام وراثه علشان نقسمها وكل واحد ياخد حقه .. مافيش الكلام ده .. الكلام ده له إجراءات تانيه

 خااااااااالص ..

ثالثا .. لو الشخص الى توفى عنده

 أولاد قصر يبقى لازم نعمل قرار وصايه الأول يعنى نعين وصى على القاصر وبعدين نقدم قرار الوصايه فى أعلام الوراثه ولازم فى قرار الوصايه نثبت أملاك المتوفى كلها فى المجلس الحسبى علشان اى تصرف من الوصى فى أموال القاصر ولا له أى لازمه والتصرف بيكون زى عدمه ولازم علشان نتصرف فى اى اموال خاصه بالقاصر موافقه المجلس الحسبى وخلى بالك من النقطه دى علشان مهمه جدااااااا

ملحوظه … المقصود بالقاصر

هو كل من أقل من 21 سنه سواء ولد أو بنت وبمجرد بلوغه سن الرشد بيقدم طلب للمجلس الحسبى لرفع الوصايه عليه والتصرف فى أملاكه

الخلاصه .. كل دور أعلام الوراثه انه بيثبت أن فلان وفلان هم ورثه المتوفى فقط وعلى 

فكره اى حد يحجب اى وريث شرعى فى أعلام الوراثه ومايكتبوش يعتبر مزورر