مبادره ائتلاف شباب معلمى مصر ” خليك فى البيت خليك أد المسئولية “

70

كتب/ محمد عزت

يمر العالم بأزمة صحية كبيرة بانتشار فيروس كورونا بين العديد من

الدول ومع تزايد عدد الاصابات والوفاه فى مختلف البلاد ، اتخذت

الحكومة المصريه بتوجهات السيد الرئيس عبد الفتاح السيسى العديد

من الاجراءات الوقائية للحد من انتشار مرض كورونا الا ان الوضع

مازال مقلق فى كل دول العالم. وتضامنا مع الاحداث الجاريه ولنشر

الوعى لمواجهة انتشار فيروس كورنا المستجد وحرصا على سلامه

الجميع، انطلقت مبادرة ائتلاف شباب معلمى مصر ” خليك فى البيت

خليك أد المسئولية ” لحث جموع المصريين على الالتزام بتعليمات

الحكومة المصريه

والمبادرة يطرحها عدد من شباب المعلمين بمختلف

المحافظات.وتضمنت نشر الوعى بالتنبيه على اساليب الوقاية من

مرض كورونا باعتبار ان الوقاية خيرا من العلاج ومن اهم اساليب

الوقايه هو الالتزام بالبيت وعدم الخروج الا للضرورة القصوى.

حيث ناشد محمد نجم امين ائتلاف شباب المعلمين المصريين بقولة ”

خليك فى البيت خاف على نفسك خاف على أسرتك وخاف على وطنك

ارجوك الفتره دى لازم تكون فى البيت ”

وقال محمد رضا شباب معلمى محافظة القاهره ” علشان صحتك

وصحة اولادك خليك فى البيت “، وقال عمرو شباب معلمى القاهرة ”

ارجوك بحملك امانه لازم تلتزم بالبيت ارجوك خليك ببيتك علشان

اهلك وولادك وصحتك خليك بالبيت “.

وناشدت هناء خيرى شباب معلمى المنيا المصريين بقولها” لصحتك

وصحة اولادك خليك بالبيت مش علشانك بس علشان كل اهل بلدك مع

بعض هنقدر نعدى الفتره دى على خير “، واضافت اسماء مجدى شباب

معلمى القاهرة” لما حد من حبايبا بيبتليه ربنا بمرض بنتوجع اوى

علشانه فمابالك لو احنا سبب المرض ده خليك فى البيت علشان خاطر

اهالينا هنعمل اللى علينا علشان خاطر اهلنا خليك بالبيت “.

وقالت هيام راشد ائتلاف معلمى القاهره ” لو مش خايف على نفسك

وحضرتك مش فارقه معاك خاف على اللى منك واللى عايشين وياك،

وهما ناس كبيره مفيش فى ايديهم حيله احمى نفسك واحميهم خليك

فى البيت وحياة احلى ماعندك ماتستهترش ماتنزلش خليك فى البيت

فتره وهتعدى هتفرق كتير ماتستهونش خليك فى البيت ”

واضافت ايمان طاهر شباب معلمى القاهره ” انا من البيت بقولك خليك

فى البيت لو بتحب بلدك ولوخايف على ولادك ولو بتحب حتى نفسك

برضه خليك فى البيت مصر خايفه عليك وبتقولك خليك فى البيت ”

وقال على رجب ” علشان صحتك وصحة اولادك وصحة اهلك

وحبايبك الزم بيتك ” وقالت نيرمين فتحى ” خليك فى البيت علشان

خاطر بلدك علشان خاطر ولادك علشان خاطر نفسك علشان خاطر مصر

خليك بالبيت ”

وقالت انجى محمد ائتلاف شباب معلمى الشرقيه ” علشان صحتك

علشان ولادك علشان بلدك خليك بالبيت “، والختام مع دعاء محمود

شباب معلمى الشرقية” علشان انت مهم خاف على نفسك خاف على

اولادك خاف على وطنك مصر امانه فى رقبتنا التزم وخليك فى بيتك

وان شاء الله ربنا يزيل الغمه ويحفظ اهل مصر”