المقالات والسياسه والادب
متعلّقش حياتك بحد كتبت/ د/ شيماء صبحي
متعلّقش حياتك بحد
ما تحطّش كل أحلامك في شخص واحد، ولا تخلي عمرك كله مربوط بوشّ حد بتحبه، مهما كان جميل أو مميز في نظرك. لأن الإنسان بيتغيّر، والظروف بتقلب، واللي النهارده انت شايفه جنتك، ممكن بكرة يبقى مجرد ذكرى بتوجّع.
الحياة أوسع بكتير من وشّ واحد، والكون مش هو اللي بتشوفه عينيك. يمكن في حاجات تانية مستنياك، أجمل، أهدى، وأنضج… بس انت مش شايفها لأنك مركز على نقطة واحدة.
لما تخسر، افتكر إن الخسارة أوقات بتكون بداية وعي، مش نهاية حلم.
ولما حاجة تنتهي، متقولش “العالم خلص”… قول “مرحلة خلصت”، وابدأ من جديد.
خلي قلبك يحب، آه، بس خليه يحب بعقل.
وخلي عندك دايمًا مسافة أمان بينك وبين أي حد، علشان لما يتغيّر، متتكسّرش.
في الآخر…
عيش لنفسك قبل أي حد، وحب نفسك قبل أي حب.
