المقالات والسياسه والادب
متقولش لحد كتبت/د/شيماء صبحي
مفيش حد فينا معندوش احتياجات…
وربنا سبحانه وتعالى خلق جوانا غريزة…
بس كمان إدانا عقل نختار بيه، وقلب يحس، ودين ينور لنا الطريق.
المشكلة مش في الشهوة،
المشكلة لما الشهوة تبقى هي اللي سايقة حياتك.
لما تبقى مضطر تعمل حاجات أنت عارف جواك إنها غلط،
بس مش قادر توقف.
الانحرافات الجنسية مش دايمًا بتبدأ بانحراف…
أوقات بتبدأ بفضول بسيط…
بفيديو شوفته…
بلمسة مش مفهومة في طفولتك…
أو حتى بوحدة وخوف ونقص احتواء.
وبتفضل الحكاية تكبر،
لحد ما تلاقي نفسك بقيت حد تاني،
حد مش مرتاح…
مش فخور بنفسه…
ومش عارف يخرج من اللي هو فيه.
الكتاب ده مش معمول عشان يحكم عليك،
ولا يتكلم بلغة التنظير.
الكتاب ده معمول ليك…
عشان يفتح لك باب تاني…
باب اسمه “التغيير الحقيقي”.
هنتكلم بصراحة… ومن غير تجميل.
هنقول يعني إيه انحراف جنسي؟
بيبدأ منين؟ ليه بيكمل؟
وإزاي نقدر نوقفه ونرجع نعيش في سلام مع نفسنا؟
كل سطر هنا مكتوب بإحساس حد حاس بيك،
عارف إنك تعبت… وبتدور على مخرج.
والمخرج موجود…
بس محتاج خطوة…
وإرادة…
وشوية نور يدخلوا قلبك.
يلا نبدأ الرحلة سوا…
ونفوق لنفسنا.
ومتقولش لحد
