محدش يشك في وعي المواطن. كتبت /عفاف كمال.

69

دي مش قلة وعي ،، دي قلة حيلة دي ناس معندهاش فيلا في برج العرب ولا الساحل

يتعزلوا فيها ولا عايشين في كومباوندات ولا حساباتهم ماليه البنوك عشان يصرفوا منها ،

دي ناس ماحليتهاش غير الأوضة والصالة اللي

عايشين فيها بعيالهم اللي بيستنوهم كل يوم يدخلوا عليهم بكيس مكرونة وكيلو طماطم

معندهومش ديب فريزر يخزنوا فيه لحمة وخصار عشان ماينزلوش السوق

معاهومش ٥٠٠ ج زيادة كل يوم على جنب يطلبوا بيها اكلهم دليفري
معاهومش ٤٠٠ ج يركبوا بيها اوبر كل يوم رايح جاي

معاهومش عربيات ملاكي ولا حتى موتوسيكل

تصدقوا ألناس دي بتضحي كل يوم بحياتهم

ومش فارقة معاهم إن كانوا هيتعدوا أو حتى يموتوا علشان يقدروا بس يقضوا بعض متطلبات بيتهم اليومية

الناس دي غلابة اوي و ربنا حافظهم بكرمه…..
اللهم احفظ مصر وارفع عنا الوباء والبلاء